fbpx
Lidhu me Ne!

Shëndeti

Zemaj: Qeveria po i gënjen qytetarët, rreth situatës pandemike

Ai u shpreh se i kujtojnë ekzekutivit që 8 qershori është afati tjetër për marrëveshjen rreth vaksinës Astra Zeneca dhe si LDK i parashtroi disa kërkesa

Publikuar

Ish ministri i shëndetësisë, Armend Zemaj, ka kritikuar Qeverinë se i ka gënjyer qytetarët duke i thënë se prioriteti i tyre është gjendja pandemike dhe se ndryshoi qëndrim menjëherë pas marrjes së pushtetit.

Në një konferencë për shtyp ai u shpreh se i kujtojnë ekzekutivit që 8 qershori është afati tjetër për marrëveshjen rreth vaksinës Astra Zeneca dhe si LDK i parashtroi disa kërkesa.

“Nëse vazhdohet me këtë rritëm, Kosovës i duhet më shumë se 3 vjet për ta përmbyllur procesin e vaksinimit të popullsisë”.

“Kanë zvogëluar edhe numrin e testimeve, me qëllimin që të del edhe numri më i vogël i të infektuarve. Profesionistët shëndetësorë po anashkalohen, përkrahja financiare për ta është zvogëluar”.

“Qeveria e Kosovës nuk ka plan për menaxhimin e pandemisë dhe deri tani s’ka treguar që e ka prioritet shëndetin e qytetarëve tanë. S’ka as plan e as platformë qeverisëse”, ka thënë Zemaj, shkruan KK.

“Andaj për të dalë nga kjo gjendje e pashpresë, LDK kërkon që të ndërmerren veprimet: të dëshmojë me veprime konkrete që shëndeti i qytetarëve është prioriteti i tyre, të hartohet protokolli se kur dhe kush duhet të vaksinohet, të motivohet personeli shëndetësor, të shtohet komunikimi rreth rreziqeve që shkakton pandemia, të shtohen përpjekjet me shtetet mike e organizatat për sigurimin e vaksinës, të sigurohet furnizimi me barna për pacientët me COVID-19, të risë bashkëpunimin me Qeverinë e Shqipërisë dhe të mos mbajë inate”, tha mes tjerash Zemaj.

Vazhdo më shumë

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021