fbpx
Lidhu me Ne!

Lajme

Vuçiç në Tiranë më 20 dhe 21 dhjetor për ‘Ballkanin e Hapur’

Ideja e “mini-Shengenit” ballkanik, tashmë i njohur si Ballkani i Hapur, u prezantua në Novi Sad të Serbisë më 10 tetor të vitit 2019, nga liderët e Serbisë, Maqedonisë së Veriut dhe Shqipërisë.

Publikuar

Presidenti i Serbisë, Aleksander Vuçiç do të jetë në Tiranë në kuadër të nismës Ballkani i Hapur.

Takimi është afruar pasi ishte parashikuar të mbahet pas Krishtlindjes. Në takimin e organizuar nga kryeministri i Shqipërisë, Edi Rama, do të marrë pjesë edhe kryeministri i Maqedonisë së Veriut, Zoran Zaev.

Ideja e “mini-Shengenit” ballkanik, tashmë i njohur si Ballkani i Hapur, u prezantua në Novi Sad të Serbisë më 10 tetor të vitit 2019, nga liderët e Serbisë, Maqedonisë së Veriut dhe Shqipërisë.

Deri tani, tre liderët Rama, Zaev dhe Vuçiç nënshkruan dy memorandume dhe një marrëveshje ndërshtetërore, që ka për qëllim lehtësimin e lëvizjes së njerëzve dhe mallrave me qëllim të forcimit të mëtejmë të bashkëpunimit ekonomik.

Kosova refuzon të jetë pjesë e kësaj iniciative dhe e ka quajtur të rrezikshme.

Një ditë më parë, gjatë vizitës në Prishtinë, presidenti i Maqedonisë së Veriut, Stevo Pendarovski tha se nisma duhet të ketë 6 shtete dhe jo vetëm 3, ndërsa shtoi se ky projekt nuk mund të zëvendësojë Procesin e Berlinit.

Vazhdo më shumë

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021