fbpx
Lidhu me Ne!

Lajme

Vjen qëndrimi zyrtar nga Serbia pas vendimit për paraburgim të kryetarit të Kllokoqit

Publikuar

E ashtuquajtura “Zyra për Kosovën” në qeverinë e Serbisë ka bërë një reagim pas vendimit të Gjykatës Themelore të Prishtinës për përcaktim të masës së paraburgimit ndaj kryetarit të Komunës së Kllokotit, Bozhidar Dejanoviq.

Nga e njëjta zyrë kanë pretenduar se përfaqësuesit e komunitetit serb në Kosovë nëpër institucione po diskreditohen nga Kosova, duke u, siç aludojnë ata, persekutuar nga shteti. Këto deklarime ata i kanë bërë nëpërmjet një komunikate drejtuar medieve serbe, përcjell Gazeta Express.

Është e qartë se institucionet vetëqeverisëse në Prishtinë po shtypin përfaqësuesit e serbëve në Kosovë dhe po përpiqen t’i diskreditojnë ata me procese manipulimi. Bëhet fjalë për persekutimin politik të Dejanoviç, vendim ky i cili synon kriminalizimin e përfaqësuesve politikë të serbëve dhe hijezimin e mbështetjes madhështore të Listës Serbe, për të cilën 96.14 përqind e qytetarëve në zonat serbe në Kosovë votuan në zgjedhjet e mëparshme”, thuhet në reagim.

Kësisoj, ata kanë insistuar në termin “persekutim”, duke kërkuar vëmendjen e faktorit ndërkombëtar.

“Zyra për Kosovën e qeverisë Serbe u bën thirrje përfaqësuesve ndërkombëtarë të ndalojnë persekutimin politik të përfaqësuesve serbë në Kosovë dhe thekson se asnjë gjykim i organizuar kundër Bozhidar Dejanoviq që synon diskreditimin e tij do të zvogëlojë besimin se Lista Serbe gëzon në mesin e qytetarëve”, thuhet tutje në reagim.

Gjykata Themelore e Prishtinës të shtunën i ka caktuar masën e paraburgimit prej një muaj Dejanoviqit, nën dyshimin për manipulim me vota. Një gjë e tillë u bë me dije nëpërmjet një komunikate të lëshuar për medie nga kjo gjykatë.

“Departamenti Special ka vendosur lidhur me kërkesën e Prokurorisë Speciale të Republikës së Kosovës për caktimin e masës së paraburgimit kundër të pandehurit B.D. për shkak të dyshimit të bazuar se i njëjti ka kryer veprën penale Cenimi i përcaktimit të lirë të votuesve nga neni 210 të KPK-së”, thuhet në njoftim.

“Ekziston dyshimi i bazuar se i pandehuri B.D në cilësinë e Kryetarit të Komunës së Kllokotit, ka kanosur seriozisht punëtorët e komunës së Kllokotit dhe qytetarët e kësaj komune, duke ndikuar në vullnetin e tyre që të votojnë në mënyrë të caktuar, për një subjekt të caktuar politik dhe për kandidatë të caktuar”, precizohet më tej./tg/

 

Vazhdo më shumë

Radio Tipografi

Hapësir reklamuese

Facebook

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021