Vdes një punëtor, arrestohet pronari i lokalit ku punonte

Një punëtor nuk ka mundur t’i mbijetoj plagëve të marra nga rrëzimi nga një lartësi në një objekt ku ishte duke punuar në lagjen Veternik në Prishtinë.

Siç raporton policia,  viktima mashkull deri sa kishte qenë duke punuar është rrëzuar nga një lartësi.

“Është raportuar se viktima mashkull kosovar deri sa kishte qenë duke punuar është rrëzuar nga një lartësi. Në vendin e ngjarjes kanë dal njësitë përkatëse policore, ekipi i urgjencës nga të cilët është konfirmuar vdekja e viktimës”, ka njoftuar Policia.

Në sqarimet shtesë nga policia thuhet se në vendin e ngjarjes është dal edhe prokurori kujdestar, me urdhër të tij trupi i pa jetë dërgohet në IML për obduksion.

“I dyshuari, pronar i lokalit pas intervistimit me vendim të prokurorit është dërguar në qendrën e mbajtës për 48 orë”, thuhet në raportin e policisë./tg/