fbpx
Lidhu me Ne!

Lajme

Vazhdon bojkotimi dhe greva e operatorëve të transportit publik

Publikuar

Bojkotimi i punës dhe greva e operatorëve të transportit publik do të vazhdojë edhe enjten (sot), ndërsa të premten Shoqata e Transportuesve Rrugorë të Udhëtarëve do të organizojë një protestë në Prishtinë, dhe të gjithë operatorët do t’i sjellin autobusët para ndërtesës së Qeverisë së Kosovës.

Kryetari i kësaj shoqate Ruzhdi Kurtishaj tha se Këshilli Drejtues i shoqatës mori vendim që greva për mos qarkullim të transportit rrugor të udhëtarëve do të vazhdojë edhe nesër, ndërsa të premten, në orën 10:00 të gjithë operatorët e transportit do të defilojnë me autobus në Prishtinë, në shenjë pakënaqësie për mos realizimin e marrëveshjes nga ana e qeverisë për subvencionim të humbjeve ekonomike që kanë pasur operatorët e transportit publik në pandemi.

Kurtishaj: Të premten protestojmë në Prishtinë para qeverisë me sjelljen e autobusëve

“Greva do të vazhdojë edhe nesër, ndërsa nga pasnesër do të ndryshojë forma e grevës, do të mbajmë protestë ku (pronarët e autobusëve) autobusët nga të gjitha rajonet e Kosovës do të defilojnë në Prishtinë pa e penguar komunikacionin dhe pa i penguar qytetarët, për të protestuar kundër qeverisë për mos zbatim të kësaj marrëveshje”, tha Kurtishaj, duke shtuar se kërkesat e tyre janë të njohura për Qeverinë që prej verës së kaluar.

“Kërkesat tona qeveria i ka jo tash, por duke filluar nga data 28 korrik dhe menjëherë pas këtyre kërkesave tona, ne edhe më tutje i kemi besuar qeverisë, kemi zhvilluar dialogun, kemi qenë partner i qeverisë për masat që janë ndërmarrë për mbrojtje nga COVID-19, si dhe për të zbatuar të gjitha vendimet e qeverisë që ka dalë edhe për sektorin e transportit rrugor të udhëtarëve”, tha Kurtishaj.

Ai iu ka kërkuar falje qytetarëve për mungesë transporti publik këto ditë, siç tha, qoftë për punëtorë dhe nevoja shëndetësore.

Vazhdo më shumë

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021