fbpx
Lidhu me Ne!

Lajme

Turqia e quan veprim të paligjshëm, hapjen e ambasadës në Jerusalem

Publikuar

Hap i papërgjegjshëm dhe i paligjshëm, kështu e ka vlerësuar,  Ministria e Punëve të Jashtme e Turqisë, vendimin e autoriteteve shtetërore të Kosovës për të hapur edhe zyrtarisht ambasadën në Jerusalem. MPJ e Turqisë në një postim në Twitter ka shprehur shqetësimin e thellë për këtë dhe e dënon fuqishëm si akt.

“Ne i inkurajojmë udhëheqësit kosovarë që të dëgjojnë mendjen e shëndoshë dhe të heqin dorë nga ky hap i papërgjegjshëm dhe i paligjshëm”, thuhet në postim. Ndryshe, Ambasada e Kosovës është hapur të dielën zyrtarisht në Jerusalem.

Reagimi i plotë:

Njoftim për shtyp në lidhje me hapjen e ambasadës së Kosovës në Jerusalem

Ne e presim hapjen e Ambasadës së Kosovës në Jerusalem me shqetësim të thellë dhe e dënojmë atë fuqimisht. Vendimi i marrë nga udhëheqësit e një populli që duroi vuajtje të mëdha për hir të fitimit të pavarësisë së tij, duke injoruar gjendjen e vështirë të palestinezëve, të cilët kanë jetuar nën okupim për dekada dhe kanë vuajtur shkelje të mëdha të të drejtave të njeriut, është jashtëzakonisht për të ardhur keq.

Duke vepruar kështu, udhëheqësit kosovarë kanë vepruar kundër parametrave të vendosur në procesin e paqes, duke përfshirë rezolutat përkatëse të Kombeve të Bashkuara mbi statusin e Jerusalemit, duke minuar vizionin e një zgjidhjeje me dy shtete dhe perspektivat e paqes në rajon.

Ne i nxisim udhëheqësit e Kosovës që të dëgjojnë arsyen e shëndoshë dhe të heqin dorë nga ky hap i papërgjegjshëm dhe i paligjshëm./tg/

Vazhdo më shumë

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021