Tek “Elena Gjika” theret një person me thikë

Policia ka njoftuar se të martën në Prishtinë në afërsi të shkollës Elena Gjika një person është therur me thikë.

Sipas njoftimit të Policisë i lënduari është dërguar në QKUK për trajtimin e nevojshëm mjekësor

“Rreth orës 14:30 është pranuar informata për një person i cili ka marrë lëndime nga një mjet i mprehtë. I lënduari është dërguar në QKUK për trajtimin e nevojshëm mjekësor. Policia ka dalë në vendin e ngjarjes, me ç’ rast nga informacionet e mbledhura ka identifikuar të dyshuarin e mundshëm dhe aktualisht ka nisur një hetim lidhur me rrethanat që karakterizojnë ngjarjen”, thuhet në njoftim, shkruan Tipografi.