Të mërkurën, çfarë moti do të kemi?

Meteorologët parashohin një mëngjes shumë  të ftohtë ditën e mërkurë.  Ditën kryesisht me vranësira, ku priten reshje të përziera shiu e bore, që më pas shndërrohen në reshje bore.  Në vise malore priten vetëm reshje bore.

Temperaturat minimale pësojnë rënie, që deri ditën e mërkurë ose të enjte zbresin edhe në -7C, e maksimalet gradualish shënojnë rritje 2C deri 4C, e ditën e premte edhe deri në 10C, e në fundjavë nga Dukagjini edhe deri në 15C.

Do të fryj erë mesatare dhe mesatarisht e fuqishme nga verilindja 7-16m/s. Shtypja atmosferike me tendencë të rritjes, në pjesën e dytë të javës edhe mbi vlera normale.