fbpx
Lidhu me Ne!

Lajme

Tajlanda arreston 89 turistë të huaj për shkelje të rregullave Covid-19

Publikuar

Më arsyetimin se kanë shkelur rregullat vendore, anti Covid, policia e Tajlandës ka arrestuar  89 të huaj nën dyshimin e shkeljes së kufizimeve të koronavirusit pasi bastisi një festë në një bar në një ishull të njohur turistik në Tajlandën jugore.

Policia, sic raporton CNN tha se 22 tajlandezë u arrestuan gjithashtu në bastisjen natën e së martës në 360 Bar në Koh Phangan, e cila është në Gjirin e Tailandës pranë Surat Thani.

Pjesëmarrësit dhe organizatorët e kësaj feste, po përballen me akuza për shkelje të një dekreti emergjent i cili u vendos në vend marsin e kaluar për të luftuar koronavirusin. Shumica e tyre janë liruar me kusht, dhe vetëm 28 janë ende duke u ndaluar, tha koloneli i Policisë Panya Nirattimanon, shefi i stacionit të policisë provinciale të Koh Phangan.

Sipas raporteve, policia mësoi për festën kur pa biletat në dispozicion për blerje në internet.

Midis të huajve të arrestuar ishin 20 shtetas francezë, 10 amerikanë dhe gjashtë britanikë. Të gjithë të arrestuarve u është bërë testi per koronavirus, ku te gjithe dolën negativë për Covid-19, tha Nirattimanon.

“Ata janë turistë të bllokuar që nuk mund të largohen nga Tajlanda për shkak të Covid,” tha Nirattimanon. “Ata mund të mendojnë se është në rregull të mblidhen në grupe të mëdha dhe mendoj se ata mund të dëshirojnë të pushojnë dhe të argëtohen pak.”

Dënimi maksimal për shkeljen e dekretit të urgjencës është dy vjet burgim dhe / ose një gjobë deri në 40,000 baht (1,330 dollarë). Organizatorët po përballen me një akuzë shtesë për shërbimin e alkoolit pasi kjo zonë në Tajlandë është e ndaluar të shërbejë alkool brenda restoranteve sipas ligjit te emergjences.

Tajlanda mbylli kufijtë e saj për turizmin ndërkombëtar në Prill 2020. Për pjesën më të madhe, kufijte e vendit mbesin te mbyllur, përveç shtetasve që kthehen dhe banorëve të përhershëm, megjithëse turistët e huaj mund të aplikojnë për një Vizë Turistike Speciale (STV).

Të gjitha arritjet ndërkombëtare i nënshtrohen një karantine 14-ditore në një strukturë të miratuar nga shteti.

Për muaj me radhë, Tajlanda raportoi disa raste Covid të transmetuara në vend falë rregullave të saj të rrepta për karantinën gjatë mbërritjes.

Sidoqoftë, një rritje e rasteve në Dhjetor pas një shpërthimi në një treg karkalecash në Samut Sakhon, një provincë në jug-perëndim të Bangkok, e çoi qeverinë të rivendoste masa të ndryshme që synojnë të përmbajnë virusin.

Vazhdo më shumë
Kliko për koment

Komento

Adresa juaj email s’do të bëhet publike. Fushat e domosdoshme janë shënuar me një *

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021