Tahiri: Kurti n‘takim me Vuqicin pa platformë për dialogun

Shefi i Grupit Parlamentar nga AAK, Besnik Tahiri ka thënë se Kryeministri Kurti do të udhëtojë të martën për takim me zyrtarët e Serbisë dhe BE-së për dialog, por ende nuk  ka prezantuar ndonjë dokument që tregon parimet e tij në raport me Serbinë. Ndërkohë që ka thënë se programi qeverisës do të duhej të fokusohej më së shumti në ekonomi.

Ai ka thënë se programi qeverisës do të duhej të fokusohej më së shumti në ekonomi, pasi ky sektor ka marrë goditje të madhe nga pandemia.

“Aty në program ju synoni vaksinimin e 60% të popullatës, kurse ju tani e keni buxhetin e deri tani nuk keni bërë asgjë. Nuk mbahet shteti me lëmoshë, nuk mbahet shteti me donacione. Ju keni bërë diçka që nuk e ka bërë askush në botë, e keni mbyllur vendin për 12 ditë, duke e goditur fuqishëm kështu ekonominë e vendit. Ky program është dashur ta ketë objektivin ‘ekonomi, ekonomi, ekonomi’, pasi që ky sektor është goditur më së shumti”, ka thënë Tahiri.