Supremja ia ndalon Kurtit kandidimin për deputet

Gjykata Supreme të premten ka nxjerr vendim me të cilin ia ndalon kryetarit të Levizjes Vetëvendosje kandidimin për deputet të Kuvendit të Kosovës, duke konfirmuar kështu vendimin e PZAP-së. Nderkohë që Kurtit ia ka ndaluar, Gjykata Supreme i ka lejuar deputetet Liburn Aliu dhe Labinotë Demi – Murtezi që të marrin pjesë në garën për deputet.

Gjykata ka konstatuar se ankesa e ushtruar nga subjekti politik Lëvizja Vetëvendosje, është pranuar pjesërisht e themeltë nga kolegji i Gjykatës Supreme.

“Është ndryshuar pjesërisht vendimi i PZAP-së, Anr.17/2021, dhe vendimi i Komisionit Qendror të Zgjedhjeve (KQZ) Nr.244-2021,  lidhur me certifikimin e kandidatëve për deputetë, duke urdhëruar KQZ-në, që kandidatët për deputetë Liburn Aliu dhe Labinotë Demi- Murtezi, t’i përfshijë në listën e kandidatëve për deputetë. Ndërkaq, është refuzuar pjesërisht e pabazuar ankesa e LVV-së, duke vërtetuar vendimin e PZAP-së”, thuhet në njoftimin e Gjykatës Supreme.