Sulmi ndaj Rashiq, cka po kërkojnë britanikët nga institucionet kosovare?

Hetime për rastin e sulmin ndaj djalit të politikanit serbë të Kosovës, Nenad Rashiq, ka kërkuar edhe ambasadori britanik në Kosovë, Nicolas Abbott.

Ai me këtë rast ka thënë se dhuna e tillë është e papranueshme për këdo, mirëpo është në veçanti shokuese kundër një të riu.

“I kërkoj Policisë së Kosovës që të hetojë këtë incident shpejt dhe të gjejë ata që kanë nxitur dhe kanë marrë pjesë në këtë incident”, ka thënë mes tjerash ai.

Nenad Rashiq është kundërshtar politik i Listës Serbe në Kosovë, dhe ditëve të fundit ai ka folur hapur se si Lista Serbe po u bën presion votuesve serbë për të votuar për Adriana Hoxhiqin dhe subjektin e saj “Komuniteti i Bashkuar”, duke ua privuar rivalëve politikë boshnjakë përfaqësimin në Kuvendin e Kosovës./tg/