Sulmi i armatosur! Policia gjen kamionetën

Policia  e Kosovës ka dhënë detaje të tjera të reja rreth sulmit të armatosur ndaj veturës që transportonte të para, e që ishte në pronësi të kompanisë Besa Security. Policia ka treguar se të martën ka arritur të identifikoj dhe të gjej automjetin/kamionetën më të cilën kryerësit e kanë kryer veprën.

Kamioneta, sipas Policisë mbanë targa vendore dhe është gjendur në fshatin Parallovë të Komunës së Gjilanit.

“Kamioneta të cilin e kishin përdorë të dyshuarit është gjetur e djegur në fsh. Parallovë të Gjilanit. Në vendin e ngjarjes përveç njësive policore ka dalë edhe prokurori i shtetit, nuk raportohet për të arrestuar, rasti vazhdon të hetohet”, ka njoftuar Policia.

Përveç kësaj Policia ka dhënë edhe detaje të tjera rreth sulmit të ndodhur. Aty thuhet se në rrugën magjistrale Gjilan-Prishtinë (fshati Mramor) disa persona të maskuar, të armatosur me armë të gjata me një kamionetë me targa vendore, kishin ndaluar automjetin e kompanisë me të cilin kryhej transporti i parave, në të cilin  ndodheshin katër  meshkuj kosovarë.

“Të dyshuarit kishin gjuajte me armë zjarri në drejtim të viktimave ku si pasoj janë plagosur dy prej viktimave. Viktimat janë dërguar në QKUK për tretman mjekësor”, thuhet nga Policia.

Ndërkohë dje mediet kanë publikuar disa pamje ku shihet një kamionët, e cila dyshohet që po e njëjta që është gjetur e djegur të martën nga Policia e Kosovës./tipografi/