Stadiumi i ri, kompleton infrastrukturën sportive në Gjakovë

Kryeministri në detyrë i Republikës së Kosovës, z. Avdullah Hoti, vizitoi stadiumin e Qytetit të Gjakovës, për të parë nga afër punimet që janë duke u zhvilluar në renovimin e këtij stadiumi.

Kryeministri Hoti tha se ndihet mirë që ky projekt po kompletohet dhe po vazhdojnë punimet në renovimin e stadiumit që i përket kategorisë së katërt për lojë ndërkombëtare dhe që i jepë​gjallëri qytetit të Gjakovës.

“Besoj se me këtë infrastrukturë dhe një rrjet të tërë të infrastrukturës të fushave të tenisit dhe objekteve të tjera që janë në përfundim, po kompletohet e tërë infrastruktura sportive jo vetëm për qytetin e Gjakovës, por për tërë këtë rajonin” tha kryeministri Hoti.

Në këtë aktivitet kryeministri Hoti ishte i shoqëruar nga ministrja e Kulturës, Rinisë dhe Sportit, Vlora Dumoshi.