fbpx
Lidhu me Ne!

Shëndeti

S’ka më vaksina, “mbyllet” salla 1 Tetori

Vaksinimi në këtë qendër do të fillojë kur të arrijnë doza të tjera

Publikuar

75-79 vjeçarët, nga sot nisin vaksinimin

Ministria e Shëndetësisë përmes një njoftimi për media ka bërë të ditur se deri në arritjen e kontingjentit të radhës të vaksinave, në Qendrën e Vaksinimit “1 Tetori” në Prishtinë nuk do të ketë më vaksinime, meqë vaksinat e ardhura nga COVAX të parapara për këtë qendër janë dhënë të gjitha.

“Ministria e Shëndetësisë i njofton qytetarët në Komunën e Prishtinës se në Qendrën e vaksinimit “1 Tetori” në Prishtinë nuk do të ketë vaksinime kundër COVID-19 gjatë ditëve të fundjavës dhe në ditët në vijim, me që, dozat e parapara për vaksinim në këtë qendër të vaksinimit, janë dhënë që të gjitha”, thuhet në njoftimin e MSH-së.

“Vaksinimi në këtë qendër do të fillojë kur të arrijnë doza të tjera”, sqaron njoftimi i ministrisë që drejton Arben Vitita.

Nga kjo ministri ndërkohë kanë bërë të ditur se në qendrat e mjekësisë familjare të komunave vaksinimi do të vazhdojë, deri në dhënien e të gjitha dozave.

“Derisa në ato komuna (QKMF) ku ka ende doza të pa administruara, vaksinimi do të vazhdojë ditët në vijim, deri në dhënien e të gjitha dozave në dispozicion”, thuhet në komunikatën e MSH’së.

“Deri tani, me dozën e parë të vaksinës AstraZeneca janë vaksinuar 22.096 persona nga 24 000 dozat e para të marra përmes mekanizimit COVAX”, përfundon njoftimi.

Vazhdo më shumë

Radio Tipografi

Hapësir reklamuese

Facebook

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021