fbpx
Lidhu me Ne!

Lajme

Situata energjetike pritet të rëndohet gjatë tri ditëve të ardhshme

Rizvanolli gjatë raportimit në Komisionin për Ekonomi, Industri, Ndërmarrësi dhe Tregti është shprehur se një bllok i termocentralit “Kosova B”, ka dalë jashtë funksionit.

Publikuar

Ministrja e Ekonomisë, Artane Rizvanolli ka thënë se situata energjetike në Kosovë gjatë tri ditëve të ardhshme pritet të rëndohet.

Rizvanolli gjatë raportimit në Komisionin për Ekonomi, Industri, Ndërmarrësi dhe Tregti është shprehur se një bllok i termocentralit “Kosova B”, ka dalë jashtë funksionit.

 “KEK-u zakonisht operon me dy blloqe të termocentralit ‘Kosova A’ dhe dy blloqe të ‘Kosova B’, që i bie rreth 800MË në orë. Është bërë përpjekje edhe e shtimit në funksion të një blloku tjetër të ‘Kosova A’, duke rritur për 120MË kapacitetet. Fatkeqësisht tentimi për t’i mbajtur te tri blloqet njëkohësisht nuk ka funksionuar”, tha Rizvanolli, përcjell Telegrafi.

“Sot është dashur që një bllok i ‘Kosova B’ të ndalet për 36 orë për një riparim. Kështu që tri ditët e ardhshme, situata energjetike pritet të jetë edhe më e rënduar”, ka shtuar ajo.

Sipas saj, edhe pse është provuar vënia në funksion të tri blloqet e “Kosova A”, ka qenë e pamundur mbajtja në punë.

“Blloku A4 ka dal prej funksionit në momenti që është tentuar të vihen në funksion tri blloqe menjëherë, kjo ka ndodhur para disa dite. Për sa i përket bllokut A5, pajtohem që i ka kaluar të gjitha parashikimet, ku ne nuk duhet të vareshim nga ‘Kosova A’. pikërisht futja në funksion e A5 ka bërë që të bien të tri blloqet”, është shprehur ministrja.

“Sa i përket dëmeve financiare, nuk do të kisha thënë se janë me dhjetëra milionë euro, duke qenë se te ne ka filluar vonë të ndjehet. Këto blloqe janë vënë në funksion para 10 dite apo dy javëve. Fakti që ka qenë e pamundur që këto të mbahen në funksion është një gjë tjetër”, ka përfunduar Rizvanolli. /Telegrafi/

Vazhdo më shumë

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021