Shpërfaqje e dëshirave, pa koncept, e quan LDK, programin qeverisës

Lidhjes Demokratike të Kosovës, me anë të një konference për media ka kritikuar programin e Qeverisë Kurti, të cilin ajo e ka konsideruar si program të natyrës dëshirore.

Sipas LDK-së, përfaqësimi dhe mbrojtja e interesave të Kosovës dhe qytetarëve duhet të jetë prioritet i secilës qeveri, por mënyra sesi është paraqitë program për politikë të jashtme dhe diasporës është i natyrës dëshirore, pa fokus dhe pa masa konkrete që do të çonin në subjektivitetin e Republikës së Kosovës.

Për LDK-në, Qeveria  Kurti nuk ka strategji për anëtarësimin e Kosovës në organizata ndërkombëtare.

LDK thotë se programi nuk përmban asnjë fjalë të vetme sa i përket anëtarësimit të Kosovës në Këshillin e Evropës, në Interpol e as në UNESCO. Qeveria e Kosovës sipas LDK-së, duhet të bëjë të gjitha përgatitjet për anëtarësimin e Kosovës në këto organizata dhe në të tjera organizat.

Madje thotë LDK, Qeveria nuk ka plan për njohje të reja, mosnjohja nga pesë vendet anëtare të BE-së dhe mosnjohja nga vendet e tjera do të pengojë konsolidimin e Kosovës në sistemin ndërkombëtar.