fbpx
Lidhu me Ne!

Kosovë

Shkarkimi i ambasadorëve: Veprime të tilla kamikaze e dëmtojnë imazhin e Kosovës në botë

Hoxhaj thotë se kjo përbën skandalin më të madh në Politikën e Jashtme të Kosovës.

Publikuar

Ushtruesi i detyrës së kryetarit të Partisë Demokratike të Kosovës (PDK), Enver Hoxhaj ka reaguar për lirimin nga detyra të të gjithë ambasadorëve të emëruar politikisht.

Hoxhaj thotë se kjo përbën skandalin më të madh në Politikën e Jashtme të Kosovës.

Ai nëpërmjet një shkrimi në “Facebook” ka theksuar se largimi i ambasadorëve me “çelës politik” është i paprecedent, i pa matur dhe i pa analizuar mirë. Madje ai shkruan edhe se “Veprime të tilla kamikaze e dëmtojnë imazhin e Kosovës në botë”.

“Qeveria Kurti, me veprimin e djeshëm për kthimin e ambasadorëve me “çelës politik”, e ka suspenduar Politikën e Jashtme. Në 23 misione diplomatike, Republika e Kosovës nuk ka ambasadorë. Kjo përbën skandalin më të madh në Politikën e Jashtme të Kosovës. Largimi i përnjëhershëm i ambasadorëve me “çelës politik” është i paprecedent, i pamatur, i pa analizuar mirë. Veprime të tilla kamikaze e dëmtojnë imazhin e Kosovës në botë, e zbehin subjektivitetin ndërkombëtar dhe i përmbysin të arriturat e dy dekadave të fundit në diplomaci”, ka shkruar Hoxhaj.

Vazhdo më shumë

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021