Shefi i diplomacisë gjermane arrin në Kosovë

Ai ka thënë përmes një postimi në Twitter se lufta kundër koronavirusit është temë e takimeve të tij në Prishtinë dhe Beograd.

“Askush në Evropë nuk mbetet i paprekur nga suksesi dhe dështimi i fqinjëve të saj. Fakti që tani mund të ndajmë progresin e vaksinimit të Bashkimit Evropian me shtetet e Ballkanit Perëndimor është një moment kyç në luftën kundër koronavirusit. Kjo është arsyeja pse unë jam në Prishtinë dhe Beograd sot dhe nesër”, ka thënë ai.

Niemand in Europa bleibt von Erfolg und Misserfolg der Nachbarn unberührt. Dass wir den Impffortschritt in der EU nun auch mit den Staaten des Westbalkans teilen können, ist ein Schlüsselmoment im Kampf gegen das Virus. Heute und morgen bin ich deswegen in Pristina und Belgrad. pic.twitter.com/iW66iFyQoP

— Heiko Maas ???????? (@HeikoMaas) April 22, 2021

Maas pritet të takohet me presidenten e Kosovës, Vjosa Osmani, kryeministrin e Kosovës, Albin Kurti dhe me ministren e Punëve të Jashtme të Kosovës, Donika Gërvalla.

Ministria për Punë të Jashtme dhe Diasporë në Kosovë ka njoftuar se Maas është pritur nga homologia e tij Gërvalla.

“Kjo vizitë do të shënojë një hap të rëndësishëm në thellimin e lidhjeve në mes të Kosovës dhe Gjermanisë, si dhe lehtësimin e rrugës së Kosovës drejt integrimeve euro-atlantike”, është thënë në njoftim.

Foreign Minister Donika Gërvalla welcomed today in Prishtina her German counterpart @HeikoMaas.

This visit will mark a significant step in the deepening relations between #Kosova and #Germany, as well as facilitating ????????'s path towards Euro-Atlantic integration. @GermanyDiplo pic.twitter.com/WxEtixT85u

— MFA Kosovo ???????? (@MFAKOSOVO) April 22, 2021

Vizita e shefit të diplomacisë gjermane vjen pas raportimeve mediale në rajonin e Ballkanit Perëndimor lidhur me mundësinë e ndryshimit të kufijve në mes të shteteve.

Siç kanë raportuar disa media, kryeministri i Sllovenisë, Janez Jansha i ka dorëzuar Brukselit zyrtar, të ashtuquajturën “non-paper”, ku thuhet se procesi i dezintegrimit të ish-Jugosllavisë nuk është finalizuar.