Shala thyen heshtjen, flet për të ardhmen e LDK-së

Kujtim Shala, figura me përfolur ditëve të fundit për kryetar të Lidhjes Demokratike të Kosovës, ka thyer heshtjen dhe për herë të parë ka folur për zhvillimet që e presin LDK-në në ditët në vijim.

Shala pasi që i falënderon votuesit e LDK-së dhe ata që e kanë votuar atë, e të cilën i quan qëndrestarë të LDK-së, thotë së LDK-ja do të hapë një faqe të re te veten dhe të Kosovës.

“LDK-ja do të hapë një faqe të re te veten dhe të Kosovës. LDK-ja është partia e rrënjëve të Kosovës. LDK-ja nuk është vetëm një alternativë politike, por shenja thelbësore e shtetit tonë”, ka shkruar Shala.

Postimi i plotë i Shalës:

Të dashur qëndrestarë të LDK-së!

Ju falënderoj nga zemra për përkrahjen që i keni dhënë LDK-së, lëvizjes shqiptare të Kosovës, themelueses dhe garantueses së shtetit tonë! Falënderoj të gjithë ata qytetarë që kanë zgjedhur të më votojnë mua si kandidat të LDK-së dhe edhe një herë më kanë dhënë besimin që t’i përfaqësojë në Kuvendin e Kosovës! Besimi i përsëritur është nderi më i madh. LDK-ja do të hapë një faqe të re te veten dhe të Kosovës. LDK-ja është partia e rrënjëve të Kosovës. LDK-ja nuk është vetëm një alternativë politike, por shenja thelbësore e shtetit tonë.