fbpx
Lidhu me Ne!

Lajme

Sekretariati i Energjisë vlerëson punën e Kosovës në fushën e Ndihmës Shtetërore

Publikuar

Komisioni i Ndihmës Shtetërore thotë se është njoftuar nga Sekretariati i Komunitetit të Energjisë në Vjenë, se nga sot, është vendosur të ndërpritet, një rast i ngritur dhe që ka qenë në vazhdimësi kundër Kosovës,  për mungesë të transpozimit dhe të zbatimit të rregullave të BE-së në fushën e ndihmës shtetërore, që lidhen me sektorin e energjisë.

Republika e Kosovës nga viti 2006 është një nga palët kontraktuese të Komunitetit të Energjisë, dhe duke qenë e tillë ka marrë obligim për transpozim dhe zbatim të rregullave të vendosura, përfshirë edhe atyre për ndihmën shtetërore në këtë sektor specifik.

Njoftimi i Sekretariatit thotë se në vitin 2011, Kosova  miratoi Ligjin për Ndihmën Shtetërore (i rishikuar në 2016) i cili transpozon acquis të ndihmës shtetërore.

Sekretariati e ka vlerësuar lartë angazhimin e Komisionit të Ndihmës Shtetërore në vendosjen e rregullit në fushën e Ndihmës Shtetërore.

“Në fund të vitit të kaluar, Komisioni i Ndihmës Shtetërore nxorri vendimin e tij të parë në lidhje me ndihmën shtetërore në sektorin e energjisë. ‘Komisioni i Ndihmës Shtetërore në këtë rast gjeti se një tarifë e përcaktuar administrativisht për 20 MW të projekteve fotovoltaike nuk përputhet me acquis e ndihmës shtetërore’ – thuhet në njoftimin e lëshuar nga Sekretariati sot.

Komisioni dhe Departamenti i Ndihmës Shtetërore në Kosovë mirëpresin vendimin e Sekretariatit të Komunitetit të Energjisë në Vjenë dhe vlerësojnë bashkëpunimin e ndërsjellë me të gjithë akterët në sektorin e energjisë në përpjekjen për shqyrtim dhe përafrim të masave të ndihmës shtetërore në këtë sektor (dhe jo vetëm) përfshirë edhe ato të vëna në zbatim në kontekstin e rimëkëmbjes ekonomike COVID-19.    

Vazhdo më shumë

Radio Tipografi

Hapësir reklamuese

Facebook

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021