fbpx
Lidhu me Ne!

Lajme

Sejdiu: Haradinaj tentoj shtrembërimin e vullnetit qytetar

Publikuar

Analisti Dardan Sejdiu po e vlerëson të rëndë çështjen e manipulimit të votave, ku sipas tij ky është shtrembërim i vullnetit të qytetarit. Sipas tij, rasti i Haradinaj-Stublla vetëm se e shpërfaq në realitet situatën e krijuar me zgjedhjet në Kosovë, që ndodhë tash e sa kohë.

”Këtu po ndodhë shtrembërim i vullnetit. Një deputet i cili ka një qasje programatike, ideologjike, i dhënë pas këtij shërbimi publik jo domosdoshmërisht i numërohen votat saktësisht. Rasti i Haradinaj-Stublla, pa dashur ta paragjykojë përfundimin e hulumtimit të kësaj çështje, e shpërfaq këtë guxim dhe këtë çështje që tash e një kohë të gjatë ndodhë në zgjedhjet në Kosovë”, njofton Klan Kosova.

”Kam qenë kandidat në zgjedhje në 2014, 2017, 2019 dhe nuk besoj që ata që kanë qenë në garë për deputetë, nuk dyshojnë që ndodhin këto lloj manipulimesh brenda listave”.

”Nuk më takon mua në 2021 të flas për përvojën në 2019 por ajo çka ka qenë evidente është se ka pasur manipulim me votë, dhe lëvizje të numrave të një kandidati tek një kandidat tjetër”.

”Dhe nëse e mbani mend ka ndodhur një rinumërim i tërësishëm në atë kohë. Por që dukuria po vazhdon, kjo është e qartë. Po ndodh një shtrembërim i votës së qytetarit, në favor të atyre që kanë mundësi financiare apo organizative”.

Megjithatë ai në Rubikon të Klan Kosovës, rithekson se duhet të bëhet rinumërim i votave, edhe nëse vetëm ka një fije dyshimi se ka pasur manipulim votash.

”Nëse ka një fije të dyshimit se ka pasur manipulim me vota për deputet, komplet procesi për deputet duhet të rinumërohet”.

”Nuk guxojmë të lejojmë shtrembërim të vullnetit”.

”Duhet bërë rinumërim i plotë i këtyre votave. Çdo tentim për shtrembërim i vullnetit të qytetarit karshi përfaqësimit të deputetëve, është gjithashtu shtrembërim i mënyrës se si do të përfaqësojë kuvendin”./tipografi/

Vazhdo më shumë

Radio Tipografi

Hapësir reklamuese

Facebook

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021