Sars-CoV -2 i merr jetën një 16 vjeçari

Një 16 vjeçar nga Vitia është bërë viktima më e re nga Sars-CoV-2 në Kosovë. Lajmin e ka konfirmuar Drejtori i Spitalit Regjional të Gjilanit, Nisret Hajrullahu.

Ai ka thënë se pacienti ka pasë edhe sëmundje të tjera shoqëruese: sëmundje psiko-motorike, shkrun Klan Kosova. Ndërkohë, telegram ngushëllimi familjes i ka shprehur kryetari i Vitisë, Sokol Haliti, i cili ka thënë së  në këto çaste të vështira të mërzisë ne bashkë ndjejmë me familjen për këtë humbje të parakohshme të fëmijës tuaj 16 vjeç.

Reagimi i plotë i komunës:

“E nderuara familja Bislimi nga Vërbani i Vitisë!

Jemi thellësisht të prekur nga humbja e jetës së anëtarit tuaj të familjes, B. Bislimit mu në moshën e rinisë.

Në këto çaste të vështira të mërzisë ne bashkë ndjejmë me ju për këtë humbje të parakohshme të fëmijës suaj 16 vjeçar.

Në emër të Komunës së Vitisë dhe në emrin tim personal pranoni ngushëllimet më të sinqerta”.

16-vjeçari do të varroset sot në orën 15:00 në varrezat e fshatit Vërban të Vitisë.