RTK-së, do t’i sigurohet mbështetja e duhur financiare, thotë Hoti

Kryeministri në detyrë, Avdullah Hoti, ka pritur sot në takim kryetarin e Bordit të RTK-së, Sali Bashota dhe Drejtorin e  Përgjithshëm Ngadhnjim Kastratin.

Përmes një postimi në Facebook, kryeministri Hoti njoftoj se u diskutua për  të gjitha mundësitë ligjore, për të ofruar zgjidhje që transmetuesi  publik të mos mbetet pa mbështetje financiare dhe të sigurohet mbarëvajtja e punës së këtij mediumi, i cili është themeluar nga Kuvendi i Kosovës.

“Për shkak të shpërbërjes së Kuvendit dhe mungesës së Komisioneve Parlamentare, RTK-ja po rrezikon  të mbetet pa mbështetje financiare, pasi që Kryesia e Kuvendit, po heziton të ofroj zgjidhje për situatën e krijuar”, thuhet në njoftim.