Rriten numrat por edhe ndeshkimet

Instituti Kombëtar i Shëndetësisë Publike të Kosovës (IKShPK) ka njoftuar se gjatë 24 orëve të fundit, janë testuar gjithsej 4.413 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 529 raste pozitive, ndërkohë policia ka njoftuar se vetëm gjatë së dielës policia ka shqiptuar 835 gjoba për mosrespektim të masave antiCOVID-19.

Sipas institutit, brenda 24 orëve janë raportuar 12 raste të vdekjes me SARS CoV-2 pozitiv. Ku sipas IKShPK-së, që nga 13 marsi i vitit të kaluar kur edhe janë paraqitur dy rastet e para pozitive më COVID-19, janë 97 mijë e 996 persona që kanë rezultuar pozitivë me këtë virus. Aktualisht në vend janë 13 mijë e 944 raste aktive me COVID-19.

Masat antiCOVID-19 po vazhdojnë të mos gjejnë zbatim në Kosovë. Vetëm gjatë së dielës policia ka shqiptuar 835 gjoba për mosrespektim të masave antiCOVID-19. Kështu njofton Policia e Kosovës në raportin 24 orësh. Ndërkohë që Instituti Kombëtar të Shëndetësisë Publike të Kosovës (IKShPK) ka njoftuar për 12 vdekje dhe 529 raste të reja me COVID-19.