fbpx
Lidhu me Ne!

Shqipëri

Rrahje në mes të vëzhguesve dhe numëruesve në KZAZ nr. 30 (Video)

Për shkak të konfliktit numërimi është pezulluar teksa më vonë policia njoftoi se ka nisur hetimet

Publikuar

Persona të panjohur, të paraqitur si vëzhgues, kanë rrahur një numërues votash dhe të afërmin e tij në KZAZ-në nr.30.

Ngjarja ndodhi rreth orës 22:45. Gazetarja Eksiola Shehu raportoi nga KZAZ-ja se ngjarja ndodhi pasi në qendër u paraqitën disa vëzhgues të ri, të cilët sikurse tha kryetari i KZAZ-së, Kelvin Skrela, kishin autorizime nga KQZ-ja.

Skrela tregoi se sapo janë futur në ambientet brenda, ata kanë ngacmuar një numërues të PD-së dhe në përleshje e sipër e kanë goditur me karrige. Pas kësaj ngjarje, ku është përfshirë dhe një i afërm i numëruesit, ka ndërhyrë policia duke shoqëruar tetë persona, përfshirë këtu edhe disa që u përpoqën të hynin nga jashtë.

Për shkak të konfliktit numërimi është pezulluar teksa më vonë policia njoftoi se ka nisur hetimet.

Kandidatja për deputete e PD-së, Orjola Pampuri tha në një deklaratë për mediat se personat që sulmuan numëruesin dhe të afërmin e tij “ishin të panjohur edhe për komisionerët e PS-së”.

Vazhdo më shumë

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021