“Rodri u hodh te penalltia, të mos e njollosim Premier League me skena spanjolle”

Manchester United u mposht 0-3 nga Manchester City në derbin e zhvilluar në fundjavë. “Djajtë e Kuq” rezistuan deri në minutën e 25’, moment kur kampionët fituan një penallti pas kontaktit Hojlund-Rodri.

Ndërhyrja e VAR-it ndikoi që të jepet penallti për miqtë, me Erling Haaland që nuk gaboi dhe kaloi skuadrën e Pep Guardiolës në avantazh.

 

Moment që i ka lënë një shije të hidhur Fredrik Ljungberg, ish-futbollist i Arsenalit në vitet e arta të Gunners. Suedezi sulmoi ashpër Rodrin, mesfushorin spanjoll të Citizens.

Lexo edhe: 

“Ai djalë (Rodri) nuk më pëlqen aspak. Ndoshta e prekën me dorë, por si mund të rrëzohet ashtu në tokë një person që peshon 90-95 kg? Dallohet qartë se u hodh.

Kjo gjë mund të funksionojë në Spanjë, por nuk dua të shoh skena të tilla në Premier League. Jam i mërzitur me atë që pashë.

 

Më pas pashë që në dhomën e VAR-it ishte Michale Oliver, kështu që nuk befasohem që akordoi penallti.

Ajo penallti bëri ndryshimin në derbi, ndryshoi gjithë historinë e ndeshjes”, theksoi Fredrik Ljungberg.