Rifillojnë punën konviktet dhe mensa e studentëve

Qeveria e Republikës së Kosovës me rishikimin e masave, ka anuluar vendimin paraprak, më çka i ka hapur rrugë hapjes së konvikteve dhe mensës se studentëve. Një vendim i tillë është marr të dielën, kur qeveria e Kosovës, i ka liruar edhe disa masa të tjera, sic është fillimi i punës së gastronomisë dhe zhvendosja e orës policore për 30 minuta.

Qendra e Studentëve kishte njoftuar se me qëllim të parandalimit të infeksionit Corona Virus COVID-19, në bazë të vendimit të Qeverisë së Republikës së Kosovës me Nr.01/07, ka marrë vendim për mbylljen e konvikteve dhe mensës së studentëve.

Mirëpo, Qeveria ka marrë vendim që të lejohet kthimi i studentëve nëpër konvikte me kushtin e mëhershëm që të jetë vetëm një person në një dhomë. Ky është neni i ri në vendimin e Qeverisë që tregon për hapjen e konviktit.

15.    Konviktet lejohet të punojnë sipas rregullit një student në një dhomë.