fbpx
Lidhu me Ne!

Shëndeti

Rekord i ri i rasteve të reja me COVID-19

Ndërkohë të enjten në Parkun e Germisë, Kryeminstri Albin Kurti dhe Vjosa Osmani janë parë duke mos e bartur maskën, ndonëse aktualisht këtë e kërkon ligji në Kosovë.

Publikuar

Instituti Kombëtar i Shëndetësisë Publike të Kosovës njoftoi të enjten se janë regjistruar 12 vdekje dhe 975 raste të reja me sëmundjen COVID-19.

“Rastet e vdekjes janë nga komunat: Prishtinë 2 raste (90, 81 vjeç), Ferizaj 1 rast (92 vjeç), Fushë-Kosovë 1 rast (71 vjeç), Kamenicë 1 rast (62 vjeç), Kaçanik 1 rast (60 vjeç), Mitrovicë 1 rast (81 vjeç), Pejë 1 rast (82 vjeç), Prizren 1 rast (72 vjeç), Rahovec 1 rast (81 vjeç), Suharekë 1 rast (70 vjeç) dhe Vushtrri 1 rast (76 vjeç)”, thuhet në njoftim.

Rastet e reja dalin pas testimit të 5.010 mostrave dhe njëherësh është shifra më e lartë e infektimeve ditore që Kosova ka regjistruar që prej paraqitjes së rasteve të para me COVID-19 marsin e kaluar.
Numri më i madh të infektimeve është regjistruar në Komunën e Prishtinës, përkatësisht 328 raste.
Në 24 orët e fundit, janë shëruar edhe 893 pacientë.
Për shkak të situatës epidemiologjike, ministri i Shëndetësisë, Arben Vitia të enjten, gjatë një takimi me ambasadorin amerikan në Prishtinë, Philip Kosnett, nuk e përjashtoi mundësinë e vendosjes së masave të reja, për të frenuar përhapjen e koronavirusit.

Ndërkohë të enjten në Parkun e Germisë, Kryeminstri Albin Kurti dhe Vjosa Osmani janë parë duke mos e bartur maskën, ndonëse aktualisht këtë e kërkon ligji në Kosovë.

Që prej marsit të vitit të kaluar, e deri më 1 prill, Kosova ka regjistruar në total 91.405 raste me COVID-19. Prej tyre, 1.884 pacientë kanë vdekur dhe janë shëruar 75.647 persona. Raste aktive janë 13.874.

Vazhdo më shumë

Radio Tipografi

Hapësir reklamuese

Facebook

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021