Rasti Rashiq –Italia e quan sulm të motivuar politikisht

Ambasadori Italian në Prishtinë, Nicola Orlando ka qënë i ashpër në reagimin e tij ndaj sulmit të djalit të politikanit serb, Nenad Rashiq, sulm të cilin ai e ka cilësuar si sulm të motivuar politikisht.

Orlando në një postim në Twitter ka shkruar se i bashkohet dënimit të pa rezervë të sulmit të motivuar politikisht ndaj djalit të Kreut të Partisë Progresive Demokratike, Nenad Rashiq, një sulm ndaj vetë demokracisë.

“Dhuna duhet të refuzohet vendosmërisht nga të gjithë dhe të ndëshkohet nga institucionet përkatëse”, ka thënë Orlando. /tg/