fbpx
Lidhu me Ne!

Lajme

Quni: LDK, s’ka analizë pse dështoj në zgjedhjet e 14 shkurtit

Publikuar

Deputeti i LDK-së, Anton Quni, ka folur lidhur me humbjen e kësaj partie në zgjedhjet e 14 shkurtit. Ai tha se si parti ende nuk kanë nxjerr një përfundim që solli në këtë rezultat.

“Nuk e kemi bërë një analizë të mirëfilltë. Ende kemi qëndrime individuale. Atë që unë e them tani është mendim i imi”, deklaroi Quni.

“Nga momenti kur ne kemi tërheq disa vija të kuqe që me disa parti të caktuara se s’bëjmë koalicion dhe pastaj kemi ardhur në pozitë që me ato parti të bëmë koalicion jemi gjykuar nga elektorati”, shtoi ai.

“Filluam nga koalicioni me PDK’në që ka qenë për votuesit tanë e papritur”, tha Quni.

Ai përmendi edhe Vjosa Osmani e cila la LDK-në dhe krijoi iniciativën Guxo.

‘Gjithnjë duke menduar se nëse i thirremi zërit të arsyet, pa marrë parasysh këtyre vendimeve në shpërputhje me vullnetin e votuesve, LDK nuk ka bërë asgjë në dëm të shtetit të Kosovës, por nga votuesi nuk është kuptu kështu”, tha Quni në T7.

“Pavarësisht punës së mirë të ministrave të LDK-së kronologjia e ngjarjeve dhe acarimi i ngjarjes me Vjosa Osmanin ka ndikuar në përgjysmimin e votës. Ky është mendimi im. Besoj se ky është një mësim i mësuar për të gjithë ne”, tha Quni.

Vazhdo më shumë

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021