fbpx
Lidhu me Ne!

Lajme

“Qeveria nën hije” e LDK-së

Gjashtë departamentet, të cilat në baza të rregullta do të përgatisin dhe hartojnë qëndrimet politike të LDK-së, si dhe gjithë alternativën opozitare ndaj pushtetit. Themeluam Departamentn e Politikës së Jashtme; Departamentin e Rendit, Ligjit dhe Sigurisë; Departamentin e Ekonomisë dhe Biznesit; Departamentn e Arsimit, Kulturës dhe Sportit; Departamentin e Shëndetësisë; Departamentin e Rinisë; si dhe Departamentin e Avancimit Shoqëror. Në ditët në vijim do t’i shtojmë edhe Departamentin për Mërgatë. Pjesë e këtyre departamenteve do të jenë njerëzit më profesionistë që LDK i ka, dhe të tjerë që do t’i bashkangjiten rradhëve tona

Publikuar

Lidhja Demokratik e Kosovës, ka vendosur që opozitarimin e saj ta bëjë duke krijuar një mekanizëm brenda strukturës se saj që i ngjan një Qeverie paralele, ose sic është njohur me herët, “Qeveri në hije”. Kryesia e kësaj partie, në mbledhjen e fundit ka vendosur të nis një reformim të plotë brenda strukturës dhe rrjedhimisht të krijoj disa departamenti që do tu përgjigjeshin sfidave të cilat mund ti dalin ambientit politik në vend.

Kryetari i kësaj partie, Lumir Abdixhiku, duke i komentuar këto zhvillime brenda subjektit të tij tha se  LDK do të angazhohet të jetë një opozitë e reformuar, një alternativë kredibile por mbi të gjitha një organizatë politike që pasuron radhët e veta me njerëzit më të mirë të vendit.

I pari i LDK-së tha se rruga përpara është e gjatë, por hapat janë të sigurtë.

“Në këtë balancë të përbashkimit të brendshëm, reformimit adekuat e zgjerimit tonë të pandalshëm, qëndron edhe vullneti ynë për rikthimin tonë të madh”, shtoi ai.

“Në mbledhjen e sotme të Kryesisë së LDK-së, morëm disa vendime në lidhje me organizimin e brendshëm; vendime që kanë për qëllim forcimin tonë të brendshëm e artikulimin e nevojshëm opozitar në vend. Në përputhje me Platformën për reforma dhe riorganizim, të paraqitur nga unë e të miratuar nga Këshilli i Përgjithshëm i LDK-së, krijuam ekipet të cilat do ta bëjnë vlerësimin e gjendjes aktuale në degët tona. Ekipet do të propozojnë reformimin e thellë tonin; të domosdoshëm për kohën dhe për nevojat e ardhshme. Reforma synon t’i hapë strukturat tona ndaj individëve me kredibilitet dhe të rinjve e të rejave që besojnë në vlerat tona të përbashkëta. Ky proces është parakusht për zgjedhjet e ardhshme lokale. Me qëllim të komunikimit më të mirë me publikun, me votuesit e me anëtarësinë tonë, aprovuam strukturën e re organizative nëpërmjet së cilës riorganizuam Zyrën për Media dhe Qendrën për Informim të Kosovës, të njohur si QIK. Në kuadër të këtij riorganizimi, në kuadër të Fondacionit “Ibrahim Rugova” themeluam edhe Shkollën Politike; detyrë e së cilës do të jetë organizimi teorik e praktik për të rinjtë e të rejat me bindje të qendrës së djathtë”, bëri të ditur Abdixhiku.

Gjithashtu theksoi se kanë themeluar gjashtë departamente, të cilat në baza të rregullta do të përgatisin dhe hartojnë qëndrimet politike të LDK-së, si dhe gjithë alternativën opozitare ndaj pushtetit. Themeluam Departamentin e Politikës së Jashtme; Departamentin e Rendit, Ligjit dhe Sigurisë; Departamentin e Ekonomisë dhe Biznesit; Departamentin e Arsimit, Kulturës dhe Sportit; Departamentin e Shëndetësisë; Departamentin e Rinisë; si dhe Departamentin e Avancimit Shoqëror. Në ditët në vijim do t’i shtojmë edhe Departamentin për Mërgatë. Pjesë e këtyre departamenteve do të jenë njerëzit më profesionistë që LDK i ka, dhe të tjerë që do t’i bashkëngjiten radhëve tona.

“Miratuam planin për nismën e regjistrimit të anëtarësisë sonë aktuale, dhe për regjistrimin e anëtarësisë së re. Ky proces do të jetë thelbi i organizimit tonë në një strukturë moderne e të qëndrueshme për kohën”.

Vazhdo më shumë

Radio Tipografi

Hapësir reklamuese

Facebook

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021