PS nis procedurat për shkarkimin e presidentit

Partia Socialiste e Shqipërisë, nga e hëna do të fillojë procedurat për shkarkimin e presidentit Ilir Meta nga posti i tij aktual, bëjnë të ditur, burime të Euronews Albania. Ndërkohë në rrjetet sociale, kreu i Grupit Parlamentar të Partisë Socialiste, Taulant Balla është shprehur se sapo të mbarojë procesi i numërimit të votave për zgjedhjet e 25 prillit, do i bëhen gati dokumentet për pension presidentit Ilir Meta.

“Me Baba Dridhe Liken çuditen vetëm ata që s’e kuptojnë akoma që i ka lëshuar pëllumbat përfundimisht! Askush s’ka pritur të mbajë fjalën për dorëheqje! Po ja të mbarojë procesi i numërimit dhe t’ia bëjmë gati letrat e pensionit, të pijë raki me çifteli me Saliun ke azili Lalzit”, shkruan Balla në një postim në Tëitter.

Sot më herët presidenti Ilir Meta theksoi se do të jetë në  krye të presidencës deri në 24 korrik të 2022 dhe më pas do të rikthehet sërish në Partisë Socialistë për Integrim.

Sakaq, zëdhënësi i presidentit, Tedi Blushi sqaroi se Meta ka deklaruar se do të jepte dorëheqjen nëse PS do të merrte 71 mandatet në mënyrë demokratike.