fbpx
Lidhu me Ne!

Lajme

“Politico” publikon listën e mysafirëve të Samitit për Demokraci: Biden s’e fton Kosovën

Ndihmësit e Biden janë ende duke formësuar agjendën dhe puna e tyre është është konfidenciale. Lista e qeverive të ftuara nuk është bërë publike, por mediumi amerikan “The Politico” ka siguruar një listë të vendeve që do të ftohen.

Publikuar

Edhe pak javë kanë mbetur nga Samiti për Demokraci i përfolur shumë nga presidenti amerikan Joe Biden.

Më 9-10 dhjetor, Biden do të jetë nikoqir i një samiti virtual për udhëheqësit e qeverive, shoqërisë civile dhe sketorit privat, i cili do të fokusohet në sfidat dhe mundësitë me të cilat përballet demokracia dhe do të ofrojë një platformë ku udhëheqësit angazhohen, individualisht ose kolektivisht, për të mbrojtur demokracinë dhe të drejtat e njeriut, njofton Klan Kosova.

Ndihmësit e Biden janë ende duke formësuar agjendën dhe puna e tyre është është konfidenciale. Lista e qeverive të ftuara nuk është bërë publike, por mediumi amerikan “The Politico” ka siguruar një listë të vendeve që do të ftohen.

Në këtë listë jozyrtare, Kosova nuk është ndër qeveritë e ftuara të Biden. Nga vendet e rajonit s’u ftuan as Serbia dhe Bosnje e Hercegovina derisa Shqipëria, Maqedonia e Veriut dhe Mali i Zi janë pjesë e listës.

Siç shkruan ky medium, zyrtarët amerikanë gjithashtu kanë paraqitur një listë të zotimeve të mundshme që vendet e tjera mund të bëjnë, të tilla si rritja e fondeve për programet e edukimit mediatik ose vendosja e kontrolleve të eksportit për disa teknologji me përdorim të dyfishtë.

Në përgjithësi, shumëllojshmëria e ideve nënvizon pikëpamjen e Biden se forcimi i demokracive të botës në një kohë të rritjes së autoritarizmit kërkon mjete përtej retorikës së thjeshtë për zgjedhje të lira dhe të ndershme.

Megjithatë, këto zotime mund të mos jenë të detyrueshme ndërkombëtarisht për t’u zbatuar.