fbpx
Lidhu me Ne!

Lajme

Person i armatosur-Policia evakuon banorët e ndërtesës

Publikuar

Policia e Kosovës ka njoftuar se është detyruar që të evakuoj banorët e një objekti banesor, meqë aty gjendej një person i armatosur, i cili përveç që kishte kërcënuar me jetë familjarët e tij, ai e kishte drejtuar armen edhe ndaj zyrtarëve policor.

Në njoftimin e lëshuar nga policia thuhet se zyrtarët policor kanë arrit të arrestojnë të dyshuarin.

“I dyshuari mashkull, ka kanosur me jetë nënën dhe vëllain e tij viktimat kosovarë. I dyshuari ishte i armatosur dhe kishte drejtuar armën nga zyrtarët policor. Për arsye të sigurisë, janë evakuar banorët e ndërtesës. Zyrtarët policor kanë arrit të arrestojnë të dyshuarin. Gjatë kontrollimit të banesës së të dyshuarit, janë gjetur dhe konfiskuar një pistoletë me tre fishek, një thikë, një shufër, një fishek, një jelek ushtarak, një maskë dhe një foto-aparat. Me vendim të prokurorit, i dyshuari është dërguar në mbajtje”, thuhet në njoftimin e Policisë. /tipografi/