fbpx
Lidhu me Ne!

Lajme

Përkundër ftesës së Rames, Shqipëria nuk i pranon mjekët kosovar për të marrë vaksinën antiCOVID

Publikuar

Autoritetet shëndetësore nuk do të pranojnë më asnjë mjek nga Kosova për t’u vaksinuar me vaksinën anti-COVID, pa miratimin nga Ministria e Shëndetësisë në Kosovë.  Kështu deklaruan për Radio Televizionin e Kosovës, ekipet mjekësore në Kukës. Sipas tyre pa ndonjë shkresë zyrtare asnjë mjek nga Kosova nuk do të mund të vaksinohet.

Ndërkohë, Ministria e Shëndetësisë së Republikës së Kosovës ka deklaruar se nuk kanë pranuar shkresë zyrtare për vaksinimin e personelit shëndetësor kosovar në Shqipëri dhe se listën e personelit mjekësor që duan në mënyrë vullnetare të vaksinohen në Shqipëri ende nuk e kanë pranuar nga SHSKUK dhe IKSHPK.

“MSh nuk ka refuzuar këtë ndihme simbolike, por është e kuptueshme që fokusi është që vaksinimi të fillojë sa më parë në Kosovë. Deri tash, MSh nuk ka marrë ndonjë liste të personelit shëndetësor të deklaruar për të shkuar për vaksinim të organizuar në Shqipëri”, thuhet në përgjigjen e MSH-së, për Telegrafin.

Nga ky institucion thonë se nuk kanë pasur komunikim me shkresa, përveç kontakteve mes ministrave dhe se gjesti i Qeverisë së Shqipërisë është mirëpritur nga Ministria e Shëndetësisë./tg/

Vazhdo më shumë

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021