Peci: Reagimi i PDK-së ndaj vizitës se Osmanit dhe Kurtit në veri, në linjë me atë të Listës Serbe

Këshilltari i u.d. Presidentes se vendit, Faton Peci, e ka konsideruar reagimin e PDK-së ndaj vizitës se Osmanit dhe Kurtit në veri, në linjë me atë të Listës Serbe, duke shtuar se reagimi i sotëm i PDK-së  është poashtu pranim i dështimit për mos ushtrim të autoritetit të të gjitha qeverive të saj, prej 20-vjetësh në veri të vendit.

“Me këtë reagim, ata dëshmuan paaftësinë e tyre për ta qeverisur atë pjesë, sikurse dëshmuan edhe për pjesën tjetër të Kosovës. Madje, ky subjekt nëpërmjet njeriut të vet, ish-presidentit Thaçi le që dështoi të vendos autoritet në këtë pjesë, por e vuri tërësinë territoriale të Kosovës në Pazar”, ka shkruar Peci në Facebook.

Ai ka thënë së ata e mbaruan vizitën e tyre me sukses të plotë në veri të vendit. Reagimet për vizitën nuk e zhbëjnë atë. Ne jo vetëm që ishim, por do të jemi sërish atje. Jo për të bërë fushatë, por për të vendosur sundimin e rendit dhe të ligjit, të cilin PDK dhe satelitët e saj nuk arritën ta bëjnë prej dy dekadash!