Pa detaje tjera, Kurti dhe Lajcak bashkëbisedojnë në telefon  

Kryeministri kosovar, Albin Kurti ka bërë të ditur se emisari special i Bashkimit Evropian për dialogun Kosovë-Serbi, Miroslav Lajçak, e ka telefonuar atë dhe e ka uruar për detyrën e re.

”Sot më erdhi një telefonatë nga Miroslav Lajcak i cili më përgëzoi për postin tim të ri si Kryeministër, duke i uruar qeverisë sonë sukses. Presim bashkëpunimin tonë të ardhshëm”, ka shkruar Kurti.

Ndërkohë, Lajçak, thotë në një intervistë për Radion Evropa e Lirë se takimi i parë midis kryeministrit të ri të Kosovës, Albin Kurti, dhe presidentit të Serbisë, Aleksandar Vuçiq, pritet të ndodhë brenda disa javësh.