fbpx
Lidhu me Ne!

Lajme

Osmanin e Abdixhiku pajtohen që të bashkëveprojnë për interesa të shtetit

Partitë opozitare kanë rol kyç në proceset e rëndësisë së veçantë për vendin.

Publikuar

Presidentja e shtetit Vjosa Osmani dhe Kryetari i LDK-së, Lumir Abdixhiku, pasditen e se hënë kanë pasur një takim ku kanë biseduar për zhvillimet e fundit në vendin tonë.

Takimi është konfirmuar nga presidentja Osmani dhe kryetari i LDK-së , Abdixhiku, përmes shkrimeve të ndara në profilet e tyre në Facebook.

Presidentja Osmani me këtë rast ka thënë së partitë opozitare kanë rol kyç në proceset e rëndësisë së veçantë për vendin. Ajo ka thënë së kryetarin e LDK-së e përgëzova  për rolin konstruktiv që LDK luajti gjatë procesit të përmbylljes së formimit të institucioneve pas zgjedhjeve të 14 shkurtit.

“Sigurova z. Abdixhiku që institucioni i Presidencës do të jetë çdoherë në shërbim të forcimit të bashkëpunimit dhe dialogut mes partive politike, me theks të veçantë për temat e interesit kombëtar. Në këtë drejtim, mirëpres kontributin e të gjitha partive politike opozitare për çështjet që lidhen me interesin shtetëror dhe mirëqenien e qytetarëve”, ka shkruar presidentja Osmani.

Ndërkohë kryetari i LDK-së, Abdixhiku ka thënë së  me presidenten Osmani, zhvilluam një bashkëbisedim të hapur, të drejtë e substancial për temat me interes kombëtar.

“Lidhja Demokratike e Kosovës, në cilindo kapacitet, do të përkushtojë gjithë potencialin e vet në bërjen e Kosovës vend që e kemi ëndërruar përherë”, ka shkruar ai./tipografi/