fbpx
Lidhu me Ne!

Kosovë

Osmani pret nga LDK që ta votoj për presidente

Publikuar

Ish nënkryetarja e LDK, tash deputet nga radhët e Lëvizjes Vetëvendosje, Vjosa Osmani ka deklaruar të mërkurën se pret që ish kolegët e saj ta votojnë atë për presidente të Kosovës . Osmani, e cila ishte edhe bartëse e listës zgjedhore të LDK-së në zgjedhjet e 2019, deklaroj kështu pas takimit që pati me kryetarin e Lidhjes Demokratike të Kosovës, Lumir Abdixhiku, me të cilin tha se bisedoj kryesisht për platformën se si synon ta drejtojë Presidencën e Kosovës.

“Ishte një takim shumë i mirë. Kisha mundësinë që ne detaje të flas për platformën presidenciale dhe mënyrën si do t’i qasem opozitës në të ardhmen kryesisht në fushën e politikës së jashtme dhe të sigurisë”, ka thënë Osmani para medieve.

“Osmani tha se ishte bashkëpunim shumë kolegial me njerëz që kam bashkëpunuar në këto 20 vitet e fundit.

‘Pasi prezantova platformën, kreu i LDK-së dhe nënkryetari kërkuan që të rikthehen në organet e partisë  dhe të diskutojnë në detaje për këto që i diskutuam sot. Pres mbështetje nga ish kolegët e mi dhe të të gjithë deputetëve në parlament”, tha ajo, duke shtuar se do të takohen edhe në ditët në vijim dhe të më njoftojnë për qëndrimin e tyre përfundimtar.

“Gjithçka shkoi në frymën pozitive. Është evidente që duhet t’i bëjmë përgatitjet shumë shpejt dhe pres që të rikthehemi në takim dhe ta sqarojmë se cili do të jetë qëndrimi i tyre”.

Osmani është shprehur se në këtë takim Abdixhiku nuk ka pasur kurrfarë kërkese për deputetët e “Listës Guxo”.

Vazhdo më shumë

Radio Tipografi

Hapësir reklamuese

Facebook

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021