fbpx
Lidhu me Ne!

Lajme

Osmani pret në takim pasdite krerët e partive për të vendosur rreth shtyrjes së zgjedhjeve

Përfaqësues të PDK-së, LDK-së, AAK-së dhe NISMA-s po e vlerësojnë si suspendim të demokracisë shtyrjen eventuale të zgjedhjeve.

Publikuar

Presidentja  Vjosa Osmani, ka ftuar për sot në takim, përfaqësuesit e partive parlamentare ku pritet të diskutohet për rekomandimin e Institutit Kombëtar të Shëndetësisë Publike, për shtyrjen e zgjedhjeve lokale.

Lidhur me këtë takim, partitë politike e kanë konfirmuar pjesëmarrjen e tyre, megjithatë, opozita po e kundërshton me çdo kusht opsionin e shtyrjes së zgjedhjeve të 17 tetorit, transmeton Klankosova.tv.

Përfaqësues të PDK-së, LDK-së, AAK-së dhe NISMA-s po e vlerësojnë si suspendim të demokracisë shtyrjen eventuale të zgjedhjeve.

Madje ftesa drejtuar partive politike për këtë takim nga shumëkush po vlerësohet si favor që po i bëhet partisë në pushtet nga ana e presidentes.

Vet kryetari i Kuvendit, Glauk Konjufca në një intervistë e kishte nxjerrë në publik idenë për shtyrjen e zgjedhjeve për shkak të situatës me pandeminë.

Në anën tjetër, pikërisht në kohën e pandemisë janë mbajtur edhe zgjedhjet nacionale të 14 shkurtit.

Zyrtarë të afërt me presidenten kanë thënë se Vjosa Osmani nuk do të marr vendim arbitrar për shtyrjen e zgjedhjeve lokale.

Takimi i ftuar për sot do të mbahet nga ora 17:00.

Vazhdo më shumë

Radio Tipografi

Hapësir reklamuese

Facebook

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021