fbpx
Lidhu me Ne!

Lajme

Osmani dhe Kurti nderojnë deshmorët dhe martirët

Publikuar

Në 23 vjetorin e masakrës në dy fshatrat të Drenicës, Presidentja në detyre, Vjosa Osmani, ka bërë homazhe në Likoshan dhe Qirez. Bashkë me kreun e LVV-së, Albin Kurti dhe kreun e komunës së Drenasit, Ramiz Lladrovci, Osmani ka nderuar martiret dhe dëshmorët e këtyre dy fshatrave.

“Çdoherë duhet t`i kujtojmë të rënët, sepse duke nderuar ata do ta dimë vlerën e lirisë që e gëzojmë dhe rrugën nëpër të cilën kemi kaluar për të arritur deri këtu. Ushtarët e UÇK-së që bënë luftën frontale me forcat serbe dhe civilët e ekzekutuar, torturturuar e masakruar më 28 shkurt të vitit 1998 janë dëshmi e veprimeve gjenocidale të Serbisë në Kosovë, ndaj këtë të vërtetë duhet ta themi dhe ta mbrojmë çdoherë dhe kudo”, ka thënë Osmani.

Sipas saj, kjo kujtesë historike e sakrificës së popullit tonë duhet të jetë në funksion të ndërtimit të një të ardhme më të mirë për familjet e të rënëve dhe të gjithë qytetarëve të Kosovës.

“Qoftë i përjetshëm kujtimi për martirët e dëshmorët që ranë për lirinë e vendit”, ka thwnw Osmani.

Vazhdo më shumë