Një person vritet, dy të tjerë plagosen në Mitrovicë (Video)

Një person ka vdekur dhe dy të tjerë janë plagosur, si pasojë e të shtënave me armë zjarri, që kanë ndodhur paraditen e së shtunës në Mitrovicë. Zëdhënësi i Policisë së Kosovës, për Rajonin e Mitrovicës, Avni Zahiti ka dhënë detaje rreth plagosjes që ka ndodhur sot në Mitrovicë.

Ai ka thënë se ngjarja ka ndodhur në Tregun e Gjelbër të këtij qyteti.

“Policia ka kuptuar se një person mashkull kosovar, ka shtënë në drejtim të tre personave, të cilët janë të plagosur, të njëjtit janë dërguar për trajtim mjekësor në Spitalin Rajonal në Mitrovicë. Gjithashtu edhe i dyshuari është i lënduar, i njëjti është arrestuar nga njësitet policore dhe është dërguar për tretman mjekësor”, ka thënë Zahiti.

Ai ka thënë po ashtu se zyrtarët policorë janë duke vazhduar të trajtojnë këtë rast.