Nisma thotë se exit poll-et nuk vlejnë për partitë e vogla

Nisma Social Demokrate ka reaguar pas publikimit të Exit polle-ve nga mediet, duke thënë së Exit pollet zakonisht tregojnë̈ trendin e zgjedhjeve se cila parti ka mbështetje më të madhe dhe në asnjë rast nuk tregojnë rezultatin në kutitë e votimit!

“Saktësia e exit polleve nuk vlen sidomos për partitë e vogla! Prandaj, ftojmë të gjithë komisionerët dhe vëzhguesit e NISMA-së që të bëjnë punën e tyre deri në numërimin e votës së fundit”, thuhet në reagimin e Nisma-s

Sipas tyre, raportimet nga degët dhe zyrtarët e NISMA në teren, besimi për Nismën Socialdemokrate është rritur nga qytetarët e vendit, prandaj është shumë e rëndësishme që besimi i qytetarëve i dhënë përmes votës të lexohet drejtë dhe të mos cenohet nga askush.

Exit poll-et, Nisma-n e nxjerrin më rezultat prej 2.7 për qind, cka e bënë këtë parti të mos kaloj pragun zgjedhor prej 5 për qind.