Nis vaksinimi i pleqve që janë të vendosur në shtëpitë e të moshuarve

Komiteti për vaksinim kundër COVID-19 ka njoftuar se të mërkurën do të nis procesi i vaksinimit kundër COVID-19 tek të moshuarit e vendosur në shtëpitë e kujdesit për të moshuar dhe punëtorët socialë që kujdesen për ta, në komunat ku ka Qendra të këtilla: Prishtinë, Suharekë, Skënderaj, Istog dhe Graçanicë.

Gjithashtu, të mërkurën (14 prill 2021), do të vaksinohen edhe pacientët në dializë, ata të Komunës së Prishtinës në qendrën “1 Tetori”, kurse të tjerët, secili në njësinë e vaksinimit të QKMF-së në komunën ku jeton.

Vaksinimi bëhet nga ora 08:00-19:30.