Nis regjistrimi i popullsisë

Në Maqedoninë e Veriut ka nisur regjistrimit i popullsisë, përkatësisht i personave që janë në vuajtjen e dënimit, personave të pastrehë, si dhe i shtetasve që momentalisht jetojnë jashtë vendit. Ky proces do të zgjasë deri më 21 prill, kur edhe përfundon i gjithë procesi i regjistrimit, i cili për shtetasit që jetojnë brenda vendit, do të nis më 1 prill.

“Ky është një operacion shumë i rëndësishëm dhe i bëj thirrje të gjithë qytetarëve që të kyçen në zhvillimin e shtetit, pasi kemi të bëjmë me një operacion nga i cili të gjithë kanë dobi, në veçanti institucionet, të cilët përmes të dhënave statistikore më pas bëjnë hartimin e politikave zhvillimore”, ka deklaruar ministri i Drejtësisë, Bojan Mariçiq.

Ai tha se Ligji për regjistrimin e popullsisë dhe metodologjia për zbatimin e tij janë hartuar në bazë të standardeve ndërkombëtare dhe se këtë, sipas tij, e kanë konfirmuar edhe përfaqësues të lartë të Eurostat-it.

Regjistrimi i shtetasve që jetojnë jashtë vendit do të bëhet përmes një aplikacioni të posaçëm, ku çdo i interesuar mund të fusë të dhënat, të cilat do të përpunohen së bashku me të dhënat tjera të shtetasve brenda vendit, por shumë persona që jetojnë jashtë vendit kanë shprehur vërejtje për shkak të problemeve teknike, kryesisht me moshapjen e aplikacionit.