Moti i keq/ Ndryshon orari i ndeshjeve në Superiore, Kategorinë e Parë dhe të Dytën

Departamenti i Garave në FSHF bën me dije se për shkak të motit të keq që është parashikuar në fundjavë në vendin tonë, do të ketë një ndryshim në oraret e ndeshjeve të kampionateve kombëtare.

Sipas këtij vendimi, të gjitha ndeshjet e javës së 11-të në Superiore janë programuar për t’u luajtur në orën 14:00.

Lexo edhe:

Ndërkohë duelet në Kategorinë e Parë dhe Kategorinë e Dytë, do të nisin 30 minuta më herët, pra në 13:30.

Egnatia dhe Partizani vazhdojnë të kryesojnë kampionatin me nga 23 pikë, por kampionët kanë luajtur një ndeshje më pak.

Java e ardhshme në Superiore rezervon këto sfida: Erzeni-Egnatia, Kukësi-Dinamo City, Skënderbeu-Tirana, Teuta-Laçi dhe Partizani-Vllaznia.