fbpx
Lidhu me Ne!

Kosovë

Milanoviq: Do të ndihmojmë miqtë nga Ballkani Perëndimor të hyjnë në BE

Ne jemi këtu për të inkurajuar dhe ndihmuar miqtë dhe fqinjët nga Ballkani Perëndimor, si rregull nga ish Jugosllavia plus Shqipëria, për të hyrë në Bashkimin Evropian sa më shpejt të jetë e mundur.

Publikuar

Zagrebi dhe Lubjana janë këtu për të ndihmuar miqtë nga Ballkani Perëndimor për të hyrë në Bashkimin Evropian, sepse është në interesin e të gjithëve, siç është supozimi se Sllovenia është gjithashtu e interesuar për hyrjen e Kroacisë në zonën Shengen.

Kështu ka deklaruar të dielën presidenti kroat Zoran Milanoviq në Bled.

Përfaqësuesit e Procesit të Brdo-Brijunit, presidentët e Kroacisë Zoran Milanoviq dhe Sllovenisë, Borut Pahor, mbajtën një takim pune në Bled përpara takimit vjetor të Procesit Bërdo-Brijunit, njoftoi Hina.

Nisma  e Brdo-Brijunit ka treguar “se ka shumë kuptim” në 10 vitet e fundit, u tha Milanoviq gazetarëve para takimit me kolegun e tij Pahor.

“Ne jemi këtu për të inkurajuar dhe ndihmuar miqtë dhe fqinjët nga Ballkani Perëndimor, si rregull nga ish Jugosllavia plus Shqipëria, për të hyrë në Bashkimin Evropian sa më shpejt të jetë e mundur, nëse është e mundur, sepse është në interesin e të gjithëve”, tha presidenti kroat

Sipas Hinës, Milanoviq supozon se është në interes të Sllovenisë që Kroacia të hyjë në zonën Shengen sa më shpejt të jetë e mundur, përcjell Kosovo Online, transmeton Klan Kosova.

“E gjitha është pjesë e një historie të gjerë në të cilën ne do të bëjmë gjithçka që është e mundur, para së gjithash qeverinë tonë, dmth pushtetin ekzekutiv, por edhe nga ana jonë, në mënyrë që fqinjët tanë të bëhen pjesë e komunitetit të cilit ne i përkasim sa më shpejt e mundur, tha Milanoviq.

Presidenti i Kroacisë thotë se nuk ka pikëpamje të njëjta për të gjitha çështjet, por se ai beson se ka pika që janë në përputhje.

Pahor tha se pas një viti e gjysmë të ndërprerjes së dialogut, kishte një theks të veçantë në ndryshimet në pikëpamje, por ai shtoi se për shkak të kësaj, nevoja për dialog është edhe më e madhe.

“Ne e shohim Ballkanin Perëndimor si një i tërë, dhe jo vetëm si shtete individuale,” tha Pahor, siç raportohet nga agjencia sllovene STA.

Procesi i Brdo-Brijunit u iniciua nga Kroacia dhe Sllovenia në 2013 në mënyrë që të stabilizonte situatën në Ballkanin Perëndimor përmes bashkëpunimit rajonal dhe zgjidhjes së çështjeve të hapura.

Pjesëmarrja në Samitin e sotëm Brdo-Brioni u konfirmua nga Presidentja e Kosovës, Vjosa Osmani dhe homologu i saj nga Serbia, Aleksandar Vuçiq, transmeton Klan Kosova.

Vazhdo më shumë

Tipografi.info, është medie e pavarur që synon avancimin e lirisë se shprehjes, pa ia cenuar të drejtat askujt! Tipografi.info përmes raportimi të tij do të kujdeset që të promovojë vlerat dhe institucionet demokratike dhe të avancoje të drejtat e njeriut. Portali tipografi.info, menaxhohet nga "AP+" sh.p.k., rr. Xheladin Hana, Prishtinë, Kosovë. Kontakt: info@tipografi.info | 044 000 E krijuar nga DBC me shumë 2021