Megjithatë, PDK dhe AAK ia bëjnë kuorumin LVV-së

Ndonëse deputetet e tyre nuk ishin prezentë në seancë, kryetari i PDK, Enver Hoxhaj, shefi i Grupit Parlamentar të kësaj partie, Bedri Hamza si dhe deputetja e AAK, Albena Reshitaj, po marrin pjesë në seancën e jashtëzakonshme të Kuvendit të Kosovës për zgjedhjen e presidentit të shtetit.

Prezenca e tyre, e ka bërë të mundur fillimin e seancës, meqë u krijua kuorumi i nevojshëm sic e kërkon Rregullorja e Kuvendit.

Deputetët e Lëvizjes Vetëvendosje dhe ata të Lidhjes Demokratike të Kosovës kanë filluar që të vijnë në seancën plenare.
Kandidatja e Lëvizjes Vetëvendosje për postin e presidentit është Vjosa Osmani, e cila në këtë garë, për kundërkandidat do të ketë Nasuf Bejtën.