Më çka i kushtëzuan Kurtin dhe Osmanin, përfaqësuesit boshnjak në takim?

Rasim Demiri ka kërkuar nga Albin Kurti dhe Vjosa Osmani krijimin e komunave të reja me shumicë boshnjake, nëse duan të kenë votën e tyre për konstituimin e institucioneve shtetërore. Demiri i cili e ka përfaqësuar koalicionin Vakat, në takim më kreun e VV, Albin Kurti dhe Vjosa Osmanin, president në detyrë ka thënë së ka kërkuar nga këta të fundit, zotimin e tyre për krijimin e komunave të reja me shumicë boshnjake nëse duan votën tonë në Kuvendin e Kosovës.

“Kërkesa për krijimin e komunave boshnjake është akoma dhe nuk është diçka e re. Kjo është kërkesa e parë por nuk është kusht”, tha ai.Demiri tha se në takim nuk kanë biseduar për pozita në Qeverinë e re.

“Sot kemi pasur një takim me kryeministrin e ardhshëm Kurtin dhe u.d e presidentës Osmani. Falënderojmë Osmanin për interesimin e saj për komunitetin boshnjak. VAKAT gjithmonë ka qenë për formimin e institucioneve. Besojmë që edhe tash do të bëjmë njëjtë. Nuk kemi diskutuar diçka konkrete për pozita. Por kemi pasur disa kërkesa dhe kemi lënë edhe një takim me kryeministrin që të marrim disa vendime”, tha Demiri.

“Nuk kemi folur për vota, por programin për komunitetin që edhe vet Kurti është i interesuar. Javën e ardhshme po presim tri votime të rëndësishme. Ne kemi edhe një takim më kryeministrin dhe për një ose dy ditë do të mirret vesh se çfarë do bëjmë”./tipografi/